Testenn ar vazh test : skrivet gant div vaouez yaouank, Maina ha Ninnog

- Chronique -

Desavet e brezhoneg ba Pondi, skoliataet e Diwan, Maina Audran ha Ninnog Louis a ziskouez ampartiz ar rummadoù yaouank war ar yezh, met ivez war ar raktresoù int kad da gas war raok !

Fanny Chauffin Par Kerne Multimedia le 29/05/22 22:06

Testenn ar vazh test : fromus, ur wech ouzhpenn ! :

Réalisation : fea - tvbk

(194 vues)

Testenn ar vazh test : fromus, ur wech ouzhpenn ! :

Réalisation : fea - tvbk

(383 vues)

Desavet e brezhoneg ba Pondi, skoliataet e Diwan, Maina Audran ha Ninnog Louis a ziskouez ampartiz ar rummadoù yaouank war ar yezh, met ivez war ar raktresoù int kad da gas war raok !

Demat deoc’h ma mab ha ma merc’h,

selaouit ha adlârit àr ma lerc’h,

rak un deiz bennak e vo ho tro

da hadiñ brezhoneg er vro.

Selaouit doc’h an ton a zasson,

don don en ho kalon.

Talm ar vuhez hag ar garantez,

a ziskan get ma hani-me.

Digorit bras ho tivskouarn,

ha roit din ho taouarn.

Ne glevit ket a-bell é tonet du-hont,

mouskan ur bobl hag a son ?

Grait ho pazioù kentañ tamm-ha-tamm,

ha balbouzit àr-lerc’h ho mamm.

D’ar skol Diwan tostañ d’ho ti,

eh aoc’h edan berr da zeskiñ ha da c’hoari.

Redit ha strebaotit a-wezhioù,

an douar a gren un tammigoù

edan treid an dud é tostaat a-vostad,

e-pad mand oc’h-c’hwi é vrasaat.

Mignoned ho peus tro-dro deoc’h,

evit roiñ kalon deoc’h ha sikour genoc’h.

Àr-un-dro e taoc’h da benn

a vonet betak ar penn.

Tostoc’h-tost an dud a gomz,

ha muioc’h-mui an douar a stroñs :

a c’hoari, a farsal arsavit un herrad,

da gompren ar morad a dud é tostaat.

Postit gete, par ma c’hellit,

ar Redadeg ne chomo ket d’ho kortoz bepred !

Trapikellit dre an hentoù

betek uziñ seulioù ho potoù

Tud é tonet a beplec’h

kozh ha yaouank hag a bep reizh,

bras ha bihan razh àr-un-dro,

é huchal “Brezhoneg er vro” !

Nag ur blijadur, ur bam,

ho kwelet é redek d’ar pimperlamm.

Dre kêrioù ha minotennoù Breizh,

e strewit brezhoneg e pep lec’h.

Mar da deoc’h bout klouanek é sonjal

E braventez kollet ar broioù treuzet gwezharall,

Taolit ur sell àr-dreñv : arru int pell bremañ

Ha bec’h m’o spurmanter avamañ

Setu arru ho tro da dapout ar vazh,

digorit ho torn ha dalc’hit-hi c’hoazh,

deoc’h eo cheñch penn dezhi,

hag he zreuzkas a di da di.

Savit ho penn ha sellit diragoc’h :

ur bed biskoazh bravoc’h,

ur milendall a hentoù foll,

a chom da redek evidoc’h holl.

Roit ar vazh d’an hani zo etaldoc’h,

ho kalon èl-se a vo skañvoc’h !

Mes n’arsavit ket a redek bemdez,

dalc’hit da zigor hentoù nevez.

Hentoù nevez evit ar re a zeskay c’hoazh,

Ma ne zihanint biskoazh,

A gerzhet hag a gomz e brezhoneg

amzer dezhe gouiet redek.

Evit kaout an droidigezh, amañ emañ :

https://www.ar-redadeg.bzh/br/kemennadennou-ar-vazh-test/article/kemenadenn-redadeg-2022

Voir aussi :

Peseurt plas evit ar brezhoneg 'ba bed ar vell-droad ? par BREZHOWEB le 21/02/2024
La Redadeg 2024 partira de la pointe du Raz : il est temps d'acheter vos kilomètres ! par La rédaction le 16/02/2024
" Ne vo ket savetaet ar brezhoneg gant ar skol nemetken ! " - Pennad Kaoz gant Gwenole Larvol par BREZHOWEB le 09/02/2024
Ar c’henaozadur Kevre Breizh a c’halv d’en em sevel evit difenn ar brezhoneg d'an 3 a viz C'hwevrer e Sant Brieg par Kevre Breizh le 02/02/2024
C'hoarioù taol e brezhoneg e-leizh 'ba deiziataer Brezhoweb ! par BREZHOWEB le 05/01/2024
Nantes s'engage vers le niveau 2 de la charte Ya d'ar brezhoneg par Philippe Argouarch le 12/12/2023
Oferenn e brezhoneg e Naoned par J.R. le 05/12/2023
Krouiñ, skrivañ e brezhoneg : perak ne vez ket muioc'h a draoù nevez ? Pluennoù nevez ? par Kerne Multimedia le 25/10/2023

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

Gwelout pennadoù all Kerne Multimedia

Vos 2 commentaires

Naon-e-dad Le Lundi 30 mai 2022 11:03

Brav! Hag ar pezh a zo bravoc'h c'hoaz : distaget eo bet e devezh Gouel ar Mammoù !...
Brezhoneg savet e doare resis, uhel, kenkoulz hag e doare bro Wened.
.
" Evit kaout an droidigezh, amañ emañ" a lâr ar frazenn ziwezhat.
.
Dre m'emañ pouezus hag arouezus mesaj rollet e bazh-test ar Redadeg, e vefe mat kinnig troidigezh anezhañ e traoñ ar pennad.
.
Evit ar a zo o teskiñ ar yezh - forzh peseurt live emañ o hini - , ar re ha n'int ket boazet d'ober gant brezhoneg liv bro-Wened warnañ, ar re a zo pell c'hoazh - betek-henn? - diouzh ar brezhoneg.
.
Ar pezh zo sur, mersi braz d'an div aozerez a ro fiziañs en dazont.

(0)

Milena Krebs Le Mardi 31 mai 2022 07:11

met... ul liamm a zo !

(0)

Commenter :

Put your name here

ABP

Embann

Nous suivre