Tro Menez Are 2011 : e Gwimilho e vlej an avel, o
7000 baleer dindan an heol, war bord ar sterioù, ur mor a dud dirak an iliz kozh ...
Avel yen hag heol splann a-hed an deiz, glad Gwimilio lakaet war-wel, evel en amzer ar pardonioù, pa oa bannieloù aour hag arc'hant ma tiskouezer pinvidigezh parrez Sant Milio !
Ur mor a dud e straedoù Gwimilio, tud o tiskuizhañ dirak an iliz, tud all o selaou Dominig, ur paotr desket bras o tiskouez pinvidigezhioù an delwennoù, ar c'halvar, ar bannieloù gant aour ha gant arc'hant, 50 kilo pep hini anezho...
Pelloc'h, sonerien biniou bras, trompilh, kanerien kan ha diskan. Bugale o krapat ouzh ur voger staliet a-ratozh evito.
Ha war an hentoù, emit-hu ? Pignat, diskenn,e-barzh koadoù pin, stêrioù brav. Hag an heol splann o kanañ ha fresk, just evel ma faote d'ar valeerien, na re domm, na re yen.
E Luzet e oa Anne Guillou, ar sokiologourez brudet, a zegemere an dud en ur greizenn sevenadurel nevez-flamm, ennañ gweleoù, ur gegin, hag ur sal vras evit an dud o dije c'hoant da zistreiñ d'ar vro.
Ha da 7 eur noz e chome tud o klask o c'harr-tan, ne ouient ket mui e peseurt park-lec'h o doa laosket anezhañ...
Gourc'hemennoù neuze d'an 300 aozer !
Commentaires (0)
Aucun commentaire pour le moment. Soyez le premier à réagir !