9 skrivagner evit ar yaouankiz e Karaez : penaos skrivañ evit ar re yaouank ?

Gwirvoud pe faltazi ? Sed aze Goulc'han o klozañ un tabut div eurvezh gant 9 skrivagner deuet d'ar salons evit eskemm gant al lennerien ha gant ar skrivagnerien all. 50 romant

Gwirvoud pe faltazi ? Sed aze Goulc'han o klozañ un tabut div eurvezh gant 9 skrivagner deuet d'ar salons evit eskemm gant al lennerien ha gant ar skrivagnerien all.

50 romant e 5 bloavezh gant Priz ar Youankiz ha Priz ar Vugale : skiant faltazi, faltazi, romantoù istorel, polis, ... Peseurt yezh implij ? "Plaen" a respont Kristian ar Braz. "Gwriziennet mat", eme Goulc'han. "Ar memes hini evit ar re deuet" ouzhpenn Herve Lossec.

Levezonet int gant buhez pemdeziek o bugale : Pierre-Emmanuel Marais evit skrivañ "Ronan ar c'horrigan", Muriel Morvan evit "Etre ki ha kazh".

Peseurt hent kemer evit an dazont ? Un doare "skrivañ a-stroll" evel e Breizh Veur ? Ur stummadur ? Lakaat ar vugale en ur bed all, ha kemer kalz amzer evit ijin ar bed-se (sav-poent Uisant Crequer hag Anaig Kervella)? Penaos sevel lennegezh an 21vet kantved ? Penaos disachañ evezh ar vugale hep rekipeoù kegin ? Goulennoù direspont, met ur sapre tabut a zo bet, pinvidik, hag a zo da genderc'hel evit an holl skrivagnerien a vo e Breizh hag o deus c'hoant krouiñ e brezhoneg.