Arouez Kastel Nevez 2011 : ar c'houblad Geoffroy/Kere
Sonerien ha kanerien nevez a vez gwelet ingal e Kastell-Nevez. Evel e Printemps de Bourges, pe Francofolies e Bro-C'hall, amañ e vez dizoloet danvez kanerien an dazont, hag ar c'houblad Geoffroy/Kere en o zouez !
Par Fanny Chauffin pour ABP le 26/04/11 12:45
dhz78man.mp4, 0k7mxgow.mp4
Yaouank, leun a startijenn, brav ha mousc'hoarzhus, brezhoneg yac'h ha dañs kanet brav ganto, aze e oa evit an holl, dañserien hag arvesterien, an amzer nevez o vleuniañ !
Ur sapre aozadur, ur vandennad tud a youl-vat feal ha labourus, ha setu Kastell-Nevez ar Faou kêrbenn sonerien ha kanerien Vreizh...
Breizh, emit-hu ? Pe Breizh-Izel kentoc'h ? Pa weler listennad an 40 koublad, n'eus nemet daou goublad kanerien a zo eus Breiz-Uhel (Olivier/Simon ha David/Huguel). Koulskoude n'eo ket kanerien Bro-C'hallo a vank : e Bovel e vint niverus-tre en dibenn-sizhun o tont... Met ken niverus eo ar sonerien biniou-bombard ha kanerien kan ha diskan ivez !
Met, ne vern, gourc'hemennoù d'an aozerien, d'an dañserien ha d'an holl re a zo bet gouest da lakaat un darvoud ken talvoudus e plas !
Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....