Bezhin glas : n\'eo ket echu an afer

- Reportage -

Bezhin glas : n'eo ket echu an afer

Setu respont Tugdual Karluer, cheñchet a galz e droidigezh gant an difazierien. Pegen dipitus eo !

Fanny Chauffin Par Kerne Multimedia le 27/10/23 19:48

Tugudal Karluer hag "afer" ar bezhin glas :

Réalisation : Mignoned Tugdual Karluer

(383 vues)

Setu respont Tugdual Karluer, cheñchet a galz e droidigezh gant an difazierien. Pegen dipitus eo !

Kazetenner e RKB (Radio Kreiz Breizh) eo Tugdual Karluer, abaoe pell. Plijout a ra dezhañ reportajoù gant stourmoù evit an en dro, ar yezh, an diorren padus, Kernitron al lann, ar repuidi... Alies e vez implijet e vikro gantañ evit reiñ da c'houzout kudennoù liammet gant al labour douar e Breizh ha kudennoù saotradur an dour, an douar...

Setu, n'eo ket souezhus e vefe fiziet ennañ ar c'harg da dreiñ ar vandenn treset skrivet gant Inès Léraud, bet graet ganti ur film nevez zo war an hevelep sujed : ar bezhin glas.

Met pegen souezhet e oa bet Tudu o tizoleiñ e oa bet cheñchet a galz an droidigezh bet embannet gant "Le Temps" ! Skarzhet ar "gallegadurioù", diverket an troioù lavar bro Dreger...

Amañ er video e komprener gwelloc'h penaos oa bet graet an traoù.

Ha bedig bed ar brezhoneg, ken bihan dija, oc'h en em drailhañ adarre evit kudennouigoù yezh, e lec'h rein un destenn difaziet met gant blaz saourus tud bro Dreger a zo evit ar poent ar re a gas ar yezh war raok, bemdez, ma vefe e gouelioù Kawan, e bed an embann, e bed ar sonerezh, e bed ar radio, ar sevenadur, an diorren padus...

Voir aussi :

Peseurt stad evit ar yezhoù keltiek hiziv ? - Pennad Kaoz gant Stefan Moal par BREZHOWEB le 08/09/2023
Jean-François Bernardini : ur stourmer evit ar yezhoù gwasket par Kerne Multimedia le 23/08/2023
Ministr kentañ Kembre : penaos ober pa vez kollet ur yezh bep div sizhun ? par Kerne Multimedia le 17/08/2023
Yaouankiz Kembre : krouerien e yezh ar vro par Kerne Multimedia le 13/08/2023
Bezhin Glas : La bande dessinée sur les algues vertes sort en breton par La rédaction le 26/07/2023
Redadeg 2022 : TUDJENTIL BREIZH o redek evit hor yezh par Tudjentil Breizh le 27/05/2022
Ur vuhez gouestlet d'ar stourm sevenadurel evit yezhoù ar bed : Per Denez par Kerne Multimédia le 29/07/2021
Pa vez fulor skolioù Diwan kanet gant Lleuwen e peder yezh par Kerne Multimédia le 12/07/2021

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

Gwelout pennadoù all Kerne Multimedia

Vos 2 commentaires :

Jiler Le Dimanche 29 octobre 2023 16:56

Goulenn a reomp d'ar re o deus kredet ober un dra ken divalav d'an Ao Karluer dont en-dro d'an diviz demokratel. An demokratelez a savetaio ac'hanomp ha netra all ebet!

(0) Envoyer un mail à Jiler

Alan G Le Lundi 30 octobre 2023 10:06

Trugarez da vezañ kinniget ar video-mañ da lennerien ABP. Klevet ha gwelet Tugdual Karluer a zegas da soñj ez eus un den eus an troour, un ene hag ur spered a ranker doujañ outañ.
Un den mat e seblant bezañ. Meizañ a reer a-walc'h eo bet gloazet gant an tagadennoù a zo bet taolet outañ. Perak tagañ an den e lec'h komz sioul eus al labour en deus graet ? Hervez ar mod n'en deus ket bet tro da lavaret e soñj war an droidigezh embannet.
Gant ma ne vo ket digalonekaet gant an afer-mañ, ezhomm hon eus anezhañ evel brezhoneger ampart hag evel den.

(0)

Commenter :

Put your name here

ABP

Embann

Nous suivre