Brezhoneg er skolioù kentañ derez : NANN d'ar programmoù nevez, UDB a c'houlenn groñs digant Xavier Darcos nullañ ar programmoù nevez-se ar buanañ ar gwellañ ha sevel testennoù nevez.

- Communiqué de presse -

Nil Caouissin Par UDB le 10/12/07 22:33

E miz Gwengolo zo bet embannet programmoù nevez evit kelenn ar yezhoù “rannvroel” er skolioù gant an deskadurezh Stad. (BO ispisial Nnn 9 d'ar 27/09/07) – Lakaat a reont ar c'helenn divyezhek en arvar : al live A2 a vefe da dizhañ er c'hlasoù divyezhek e fin ar CM2. Ur vezh eo pa ouzer e talv al live-se barregezhioù evel « je peux avoir des échanges très brefs même si en règle générale, je ne comprends pas assez pour poursuivre une conversation ». Penaos heuliañ ur gentel istor pe matematik er c'helc'hiad 3 gant al live-se ? Penaos heuliañ ur gentel istor pe matematik er skolaj, ma ne vezer ket gouest da respont d'ar c'helenner ?

Da heul ur goulenn savet gant Christian Ménard kannad Kastellin e respont dezhañ an Aotrou ministr an deskadurezh Stad diwar-benn ar programmoù nevez evit kelenn ar yezhoù “rannvroel”.: Ao. Xavier Darcos : « En fixant le niveau A2 (intermédiaire ou usuel) comme objectif pour les sections bilingues à la fin de l'école primaire, la spécificité de ces sections est bien prise en compte et constitue déjà une dérogation par rapport à ce cadre général. »… Ha da heul : « Pour autant, les objectifs fixés n'excluent pas un travail d'approfondissement de certaines compétences avec les classes dont le niveau des élèves le permet »

Evit UDB Kreiz Breizh an dra-se zo dismegañs tout a-enep ar brezhoneg. Penaos dont a-benn da gaout bugale divyezhek da vat gant seurt programmoù ? Rak deomp da c'hoût e rank ar skolaerien pe ar gelennerien , re ar skolioù publik, re ar skolioù katolik pe re Diwan heuliañ programoù an deskadurezh Stad.

Neuze UDB a c'houlenn groñs gant Xavier Darcos nullañ ar programmoù-se ar buanañ ar gwellañ ha sevel testennoù nevez. Gervel a reomp ivez ar Vretoned, hag holl dilennidi ar Vro da sevel a-enep ar programmoù nevez-se a lak en arvar 30 bloaz kelennadurezh ar brezhoneg en hentennoù divyezhek.

Da c'hortoz ur stourm da sevel da ziskar an divizoù diboell-se e c'halv UDB an holl dud a zifenn an demokratelez da lak o anv war ar sinadeg a gaver war internet (voir le site) pe war ar follennoù paper a vo kinniget dezhe.

Klask a ra goûr UDB pelec'h an diaoul emañ aet ar promesaoù oa bet graet gant Nikolas Sarkozy d'an Aotrou Christian Ménard da vare kabaliñ ar votadegoù evit ar Prezidant? Nikolas Sarkozy, eñ danvez prezidant ar Republik en doa embannet ne vije ket bet kadarnaet gantañ karta Europa ar yezhoù minorelaet, padal en doa disklaeriet en dije-eñ difennet groñs ar brezhoneg hag e oa prest d'harpañ hor yezh eus e seiz gwellañ... Promesaoù toull ne oa ken.

Evit UDB Kreiz Breizh: Herve ar Gall

Voir aussi :

Peseurt plas evit ar brezhoneg 'ba bed ar vell-droad ? par BREZHOWEB le 21/02/2024
" Ne vo ket savetaet ar brezhoneg gant ar skol nemetken ! " - Pennad Kaoz gant Gwenole Larvol par BREZHOWEB le 09/02/2024
Ar c’henaozadur Kevre Breizh a c’halv d’en em sevel evit difenn ar brezhoneg d'an 3 a viz C'hwevrer e Sant Brieg par Kevre Breizh le 02/02/2024
C'hoarioù taol e brezhoneg e-leizh 'ba deiziataer Brezhoweb ! par BREZHOWEB le 05/01/2024
Nantes s'engage vers le niveau 2 de la charte Ya d'ar brezhoneg par Philippe Argouarch le 12/12/2023
Oferenn e brezhoneg e Naoned par J.R. le 05/12/2023
Krouiñ, skrivañ e brezhoneg : perak ne vez ket muioc'h a draoù nevez ? Pluennoù nevez ? par Kerne Multimedia le 25/10/2023
Taol grenn disadorn 28/10 ba Karaez : al lennegezh evit ar yaouankiz e brezhoneg par Kerne Multimedia le 20/10/2023
Un nozvezh Halloween e brezhoneg war Brezhoweb ! par BREZHOWEB le 20/10/2023
Kino Festival : skipailhoù mennet ha priz Kêr Kemper d'ur film e brezhoneg par Kerne Multimedia le 11/10/2023

Cet article a fait l'objet de 1395 lectures.

Gwelout pennadoù all UDB

Vos 0 commentaires :

Commenter :

Put your name here

ABP

Embann

Nous suivre