Devezhioù ar brezhoneg e Bro An Alré

- Communiqué de presse -

Evit ar bedervet gwezh e vo kinniget Devezhioù ar brezhoneg e Bro An Alré get Ti Douar Alré ha Kerlenn Sten Kidna, e pad Bro Alré gouil bamdé e viz Gouel Mikael-Here.

Christian Le Meut Par Sten Kidna An-Alre le 3/10/10 17:14

Evit ar bedervet gwezh e vo kinniget Devezhioù ar brezhoneg e Bro An Alré get Ti Douar Alré ha Kerlenn Sten Kidna, e pad Bro Alré gouil bamdé : 15, 21, 22 ha 23 a viz Gouel Mikael-Here.

— Digwener 15 a viz Gouel Mikael/Here :

Un arvest evit bugale ar skolioù divyezhek. War dro 400 krouadur a vo tolpet e sal Émeraude, adalek 10 e 30, d'ar gwener 15 evit sellet doc'h un arvest e brezhoneg penn da benn, hag evit kemer pezh ennan ! Razh bugale ar skolioù divyezhek a Vro An Alré a zay da Lokoal Mendon : nav skol hag an teir hentenn (diwan, skolioù publik ha skolioù privez). Jakez Ar Borgn a zo bet pedet ar bloaz mañ : soner, kaner, sonaozer, kanaozer, furlukin ha c'hoarier a-wechoù. Teir kwech eo deuet ar maout gantañ e Kan ar Bobl Pondi. Produet gantañ 3 CD Alato, Aiou, Pok ha pok. Jakez a zo ivez aktour (Strollad ar Vro Bagan), ha kelenner e skolaj Diwan (Gwiseni).

Digwener 15 a viz Gouel Mikael : sonadeg get Gwennyn e Lokoal-Mendon 8 e 45. ( voir l'article )

— Diriaoù 21 : ur skrivagner pedet e Bro an Alré : Hervé Gouedard.

D'ar yaoù 21 a viz Gouel Mikael (Here), e vo pedet ar skrivagner Hervé Gouedard, bet skrivet getan « Liñvadenn Kastelaodren ». Al levr-se n'eus bet priz Sten-Kidna Le Bono au long cours 2010.

Hervé Gouedard, en em gavo get skolajidi divyezhek Bro An Alré.

6 e 30 noz mediaoueg Brec'h :

H. Gouedard a lenno un danevell dirak an dud.

Digor d'an holl. Evit netra.

— Digwener 22 a viz Here, 3 e gm : Kafe-bara-amannenn e Pleuwigner.

Kafe-bara-amannenn a vo en-dro d'ar gwener 22 a viz ar Gouel-Mikel ; atav da 3e hag atav e sal an Tanin e Pleuwigner. Kafe da evet, bara segal da zebriñ hag amannenn da lakaat àrnezhañ a droc'had ! Ha, forset-mat, tud da zrailhiñ ar gaoz, da varbotal, da batouilhat, da ... lâret kaer. Digor eo d'an holl.

— Digwener 22 a viz Here, 8 e noz, Brec'h : ur chapelig e tassoniñ.

Un nebeud sonerion a veg a vro an Alre pe ag un tamm pelloc'h a zo bet pedet da lakaat chapel ar bleuñv da zassoniñ. Tonioù da selaou, a capella, get div vouezh, pe àr-un-dro get ur benveg. Tonioù kozh pe kempennet a-nevez evit an degouezh. Hag ar sonennoù pe ar c'hanennoù a yay dre o hentoù kuzh betek kalonoù an dud, hag a lakay mar a dra da zispak enne. Ha marse an c'hoant da soniñ d'o zro, pe da zeskiñ ar yezh !

— Disadorn 23 a viz Here 8 e 45 :

C'Hoariva e Pluergat : Diwall er festival !

Goude « An Oaled » (Roparzh Hemon), « Troioù kamm Skapin » (Molière), « Malachap story » (Obaldia), ar Strollad C'Hoarivari a ginnig ur pezh c'hoari skrivet gete : « Diwall er Festival ! ». Ur serial killer a zo er Festival : lazhet eo bet getañ 5 penn-soner (ar vre vrudetañ : Kemper, Lokoal-Mendon, Cap Caval...) ha den ebet ne ouia piv en deus graet an torfed : ar paour gaezh gomiserez ne za ket a-benn da gaout un diskoulm. Seizh c'hoarier, ur burev er c'homiserdi a ziskouez mat bed ar polis hiziv an deiz. Ambians ar festival get sonerezh binioù bras klevet ingal, pennadoù fentus a ziskouez ul lodenn vat deus tud ar festival a blij dezho riboulat, kanañ, mont d'ar c'hoop bio, ha bevañ gant nebeut a dra. Ar pezh c'hoari a zo bet skrivet a-stroll (4 skrivagner).

Chapel Sant Servais

Kreiz ar vourc'h

Pluergat

4 euro

Titouroù : Kerlenn Sten Kidna, 02 97 29 16 58