Diwall er Festival : pezh c'hoari nevez Strollad C'Hoarivari

Goude "An Oaled" (Roparzh Hemon), "Troioù kamm Skapin" (Molière), "Malachap story" (Obaldia), setu ar strollad C'Hoarivari o kinnig ur pezh c'hoari skrivet ganto "Diwall er Festival". Ur serial killer a zo er Festival : lazhet eo bet gantañ 5 fenn-soner

Goude "An Oaled" (Roparzh Hemon), "Troioù kamm Skapin" (Molière), "Malachap story" (Obaldia), setu ar Strollad C'Hoarivari o kinnig ur pezh c'hoari skrivet ganto "Diwall er Festival".

Ur serial killer a zo er Festival : lazhet eo bet gantañ 5 penn-soner (ar vre vrudetañ : Kemper, Lokoal-Mendon, Cap Caval ...) ha den ebet ne oar piv en deus graet an torfed : ar paour gaezh gomiserez (c'hoariet gant Armelle Boulle), ne zeu ket a-benn da gaout un diskoulm daoust d'al lizhiri disanv a vez kaset dezhi ingal, d'un enseller, ha dreist-holl d'ur poliser a gav hir e amzer hag a zo c'hoariet mat-tre gant .

Seizh c'hoarier, ur burev er c'homiserdi a ziskouez mat bed ar polis hiziv an deiz. Aergelc'h ar festival gant sonerezh binioù bras klevet ingal, pennadoù fentus gant Yvonig Toulleg (Marilou Pochic) a ziskouez ul lodenn vat deus tud ar festival a blij dezho riboulat, kanañ, mont d'ar c'hoop bio, ha bevañ gant nebeut a dra.

Gourc'hemennoù d'ar skipailh ha d'al leurennerez Yvette Brustiec : ne vez ket gwelet aliez hiziv an deiz e bedig bed ar c'hoariva e brezhoneg ur pezh c'hoari krouet a-stroll (4 skrivagner). Gant ma vo pedet ar strollad un tammig e pep lec'h e Breizh, evit lakaat da glevout brezhoneg saourus bro Gwened gant an holl !