Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
- Communiqué de presse -
Diwar-benn an Akademiezh hag ar Brezhoneg
Trugarekaat a ra Emgann MGI ar Senat an Académie Française ha Jean-Luc Mélenchon evit prouiñ bemdez n'eus nemet gant ur galloud breizhad dizalc'h a c'hello mont ar brezhoneg da yezh ofisiel, normalizet, normativet, doujet ha gant peadra evit ma c'hellfe bevañ.
Jean-Marie Salomon pour Emgann-MGI le 18/06/08 10:16

Kemmenadenn/communiqué

Diwar-benn an Akademiezh hag ar Brezhoneg

Trugarekaat a ra Emgann MGI ar senat, an Académie Française ha Jean-Luc Mélenchon evit prouiñ bemdez n'eus nemet gant ur galloud breizhad dizalc'h e c'hello mont ar brezhoneg da yezh ofisiel, normalizet, normativet, doujet ha gant peadra evit ma c'hellfe bevañ.

Bewech ma tagont an disterañ a-raokadennig a-rouezus evit yezhoù distatud stad-c'hall e kasont war-raok koustiañs vroadel pobl vreizh en ur ziskouez pegent pell e vezont deus goulennoù sokial an niver atav brasoc'h-brasañ a Vretoned evit hor yezh.

Goude un nebeut sizhunvezhioù tabutoù, o doa kredet lod zo ober "istorel" (sic) deus oute, e-keit m' eo bet termenet hor yezhoù evel un tamm deus glad stad c'hall (evel ma vez graet e ti-kêr PS/PC/UDB Roazhon e-lec'h m'eo bet krouet ur post gouestlet d'ar"glad difetis" evit ar brezhoneg) e weler splann ne cheñcho netra war dachenn gwirioù yezhel pobl vBreizh. Evel m'en diskouez an deiz fenoz afer skol Diwan Montroulez, an diaesterioù evit digeriñ ur c'hlas divyezhek e Gwizien pe evit kinnig ur servij publik a galite evel e skol Merville en Oriant.

Da geñver an treuzkas galloudoù goulennet gant ar C'Huzul-Rannvro evit ar c'helenn e fell deomp-ni adembann n'eo ket bet graet an ensavadurioù gall e Pariz (Kuzul stad, akademiezh, parlamant…) pe e Breizh (kuzul rannvro, kuzulioù meur) evit lakaat e pleustr ur politikerezh yezh ret (daoust da youl vat dilennidi zo) evit respont mat ha buan da stad mantrus ar brezhoneg pe evit respont da bep goulenn sokial eviti pe evit ar gallaoueg.

Ma vez ar brezhoneg mad an holl ez eo dibosubl distagañ stourm ar Brezhoneg ouzh hini evit gwir pobl vreizh da vestroniañ he dazont. Ar re a embann sonjoù koñtrol zo marteze a feiz vat met e faziont hag e livont gevier d'ar Vretoned.

Evit Emgann-MGI, Fañch Oger

Voir aussi :
Cet article a fait l'objet de 1048 lectures.
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font ( 1 multiplié par 1) + 2 ?

ABP

Embann

Nous suivre

2003-2024 © Agence Bretagne Presse, sauf Creative Commons