Emvod ar Gelted : ar brezhoneg evit ar re nul

Kemerit pemp skoliad kentelioù noz, lakait anezho da brientin un istor, klaskit divinadelloù...

Kemerit pemp skoliad kentelioù noz, lakait anezho da brientin un istor, klaskit divinadelloù...

Rekipe abadennigoù a vez graet e-pad festival Taol Kurun eo an doare o deus dibabet aozerien ar FIL da gas un tamm brezhoneg e-kerzh ar festival. Tri c'hard eur evit tapour 15 ger disheñvel e brezhoneg, kanan ur ganaouenn, dañsal a-raok echuiñ ha mont kuit gant ur follennig liv aozet gant Gouelioù Breizh. Ha tri istor kontet, prientet ha skignet war ur skramm bras evit sikour da gompren. Mod-se, ma vank gerioù e c'hell an arvester klask o ster gant ar skeudennoù.

Kroget o doa tud Taol Kurun da amprouiñ an doare-mañ e mediaoueg Kemperle. Disul paseet e oa tregont a dud e-barzh stand bihan Egorenn ar c'hengred. Disul o tont e vo ar skipailhig e Egorenn ar gomz, just e-kichen. Evit kaout plijadur ha c'hoant da genderc'hel gant ar brezhoneg gant istor Emmy, Yann hag ar bleiz-mor, ha Yann hag ar balum. Digoust eo.