Evel Ki ha Kazh : da welet war Internet

- Communiqué de presse -

A-raok e veze c'hoariet pezhoù c'hoari gant Barzhanoff, met muioc'h a dud a zo war ar rouedad eget e salioù !

Fanny Chauffin Par Kerne Multimédia le 18/09/17 11:29

Réalisation :

A-raok e veze c'hoariet pezhoù c'hoari gant Barzhanoff, met muioc'h a dud a zo war ar rouedad eget e salioù.

Abaoe ar 1añ a viz Gwengolo e kinnig Barzhanoff ur stirad nevez e brezhoneg war e chadenn YouTube.

Soñj o deus tud zo, moarvat, eus « Muntr er Vro Vigoudenn », « Kig ha faltazi » pe c’hoazh « Glebajoù boemus », anezho pezhioù-c’hoari e brezhoneg sevenet ha c’hoariet gant Barzhanoff etre 2001 ha 2009. Gant ur raktres nevez e tistro ar strollad e 2017 : ur webstirad anvet “Evel Ki ha Kazh”, e brezhoneg evel-just. Cheñchet eo an doare (sketchoù filmet a zo skignet digoust war ar Genrouedad), koulz hag ar ment (abadennoù 6 munutenn, well-wazh, rannet e 6 sketch). N’eo ket cheñchet ar mod ober avat : labouret e vez a-gevret ha mestroniet eo ar raktres penn-da-benn, eus ar skrivañ betek ar skignañ. Da vicherioù nevez eo bet ret en em stummañ : ober war-dro ar c’hamera hag ar gouloù, tapout ar son, frammañ, istitlañ e brezhoneg hag e galleg, da zibab e vo. Emren eo ar skipailh a-youl-vat met tennet ez eus bet gounid eus alioù un nebeud tud a-vicher. Ur film bevaat eo ar roll-digeriñ, sevenet eo bet gant un arzour a-vicher, Gwendal Jeffredo, brezhoneger anezhañ ivez.

Poent loc’hañ ar raktres eo sketchoù savet evit ar Redadeg 2014, koulz hag ar c’hoant da dapout krog en un doare nevez da grouiñ, hag en ober e brezhoneg. Ur stern ha tudennoù a oa ret ijinañ ; graet eo bet e deroù 2015 : Kim, Padrig, Mimi, Piero, Karo ha Youn zo deuet diwar c’horre ! Degouezhioù farsus o c’houblad, o familhoù, o amezeien a vag ijin an oberourien. C’hoariet e vezont gant aktored amatour eus Roazhon.

Setu neuze skipailh Barzhanoff, eus Roazhon, o leurenniañ istorioù berr, istor buhez pemdez tud etre 30 ha 50 vloaz, un doare "Ken Tuch" evit ar re gour ! Ur benveg dreist evit ar c'hentelioù noz, son propig ha startijenn gant an aktourien.

Voir aussi :

La Redadeg 2024 partira de la pointe du Raz : il est temps d'acheter vos kilomètres ! par La rédaction le 16/02/2024
La carte de la Redadeg 2024 est en ligne par La rédaction le 19/09/2023
Breskenn : priz an aozerien dec'h e Kemper par Kerne Multimedia le 03/10/2022
Deuit disul da Gemper : 8 film berr krouet e 48 eurvezh diskouezet d'an arvesterien ! par Kerne Multimedia le 27/09/2022
Brezhoneg ha gallaoueg e Ciné FIL : interessant atav ! par Kerne Multimedia le 25/08/2022
Erruet ar Redadeg e Gwened gant 5000 a dud par Kerne Multimedia le 29/05/2022
Penn-rener an ABP, Philippe Argouarch, en deus kemeret perzh en eizhved Redadeg par J-L Le Floc\'h le 27/05/2022
TUDJENTIL BREIZH court pour la REDADEG à Saint-Nicolas du Pelem par Tudjentil Breizh le 27/05/2022

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

Gwelout pennadoù all Kerne Multimédia

Vos 0 commentaires

Commenter :

Put your name here

ABP

Embann

Nous suivre