Fubudenn : abadenn ziwezhañ disul !

A-raok Kergrist ha Lors Jouin gant "beaj ar Pap", e vo c'hoariet "E kreiz ma bro"

A-raok Kergrist ha Lors Jouin gant "beaj ar Pap", e vo c'hoariet "E kreiz ma bro" gant strollad Fubudenn evit an daouzegvet gwech

Goude Porspoder, Tregon, Esquibien, Kerien, Kemperle, Karaez, setu tro An Arzhanaou, disul o tont da 5 eur e sal nevez Loeiz Yhuel.

Ur grouidigezh gant dibunadeg tud iskis a Vreizh : ar grampouezherez gant un davañter brodet, ur Jean-Mai kamm a lenn Baudelaire,

ur punk sot gant Louise Ebrel, ur vonedez ruz entanet gant ar stourm...

Sonerezh graet gant div dreujenn-gaol, kanaouennoù e brezhoneg, testennoù savet gant ar strollad, estreget testenn Tangi Malmanche (ar Baganiz') c'hoariet er video.

Kan ha diskan, kanaouennoù hengounel, ha kompozet a-nevez.

Goude "Dañjerus tamm ebet", "Kurunennoù ar Rouanez", "Opera ar moc'h", setu neuze echu "E kreiz ma bro disul". Un dra nevez war ar stern ? "Penaos buhez, lâre Filo", a vo c'hoariet a-benn c'hwec'h miz, testennoù merc'hed, fentus ha kriz, 'giz anv ar strollad "Fubudenn". Ha dre voneur, e raio glav disul !