Ha ma vefe ur skol gonterien evit ar vugale hag evit ar re vras ?

Tri bloaz'zo e Pondi ne chome 'met ur pemp konter bennak e brezhoneg. E 2016 e oa 14 konter, kozh ha youank o kontañ marvailhoù d'an arvesterien. E bro Euskadi

Tri bloaz'zo e Pondi ne chome 'met ur pemp konter bennak e brezhoneg. E 2016 e oa 14 konter, kozh ha youank o kontañ marvailhoù d'an arvesterien.

E bro Euskadi e vez studiet pinvidigezh geriaoueg ar vugale o lakaat anezho da gontañ (Ibon, Itziar, 2016), e Breizh e vez implijet kalz re nebeut un arz kozh evel mabden, hep gouleier na venveg sonerezh : ar vouezh, ur c'horf, hag un istor.

Ur yezh, un doare da soñjal, ur jeant, un andouillenn, traoù dastumet er vro, pe adimplijet e broioù all. Selaouomp neuze istorioù bugale skol Diwan Kemperle.

Piv oar, 'benn nebeut e vo ken niverus ar gonterien hag ar ganerien ? Hag aze vo gwelet tud oc'h implij ar yezh, hep gouzout un destenn dre eñvor, kement a istorioù brav a zo e Breizh, hag e lec'h all !

Ha ma vefe graet evel e bro Skos : un ti "fairy tales", ur stummadur solud evit ar gonterien, konterien e pep skol... ? Pe sikour ar gelennerien da implij muioc'h ar c'hontañ evit sikour ar vugale da zislipañ frazennoù hir, en amzer dremenet, pennadoù fromus bevet gant un arroz bihan evelto ?