Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
- Chronique -
Haiskrivmeurzh : 342 haiku !

Tremenet mat miz an haiku, ha disoc'hoù plijus. Kenstrivadeg ebet, met bep mintin 10 haiker.ez o skrivañ un dra bennak war bajenn facebook fea, ha 342 barzhoneg dastumet !

Fanny Chauffin pour Kerne Multimédia le 17/04/22 19:53
Ya, haiksrivmeurzh 2022 :
Réalisation : fea - tvbk
(51 vues)
54918_1.jpg
Merc'hed an avel, haikerezed Haiksrivmeurzh

Tremenet mat miz an haiku, ha disoc'hoù plijus. Kenstrivadeg ebet, met bep mintin 10 haiker.ez o skrivañ un dra bennak war bajenn facebook fea, ha 342 barzhoneg dastumet !

>

> Met petra an diaoul eo an Haiskrivmeurzh ? Miz Meurzh eo ar miz dibabet abaoe seizh vloavezh evit sevel un haiku bemdez. Evel e saozneg e miz c'hwevre, the "Haiwrimo" (Haiku writing month).

> Ar bloaz-mañ, un dek bennak a haiker a skrive bemdez un haiku, pe meur a hini war ar ger roet da vintin war bajen facebook Fea, ar gevredigezh e penn an aozadur. Dibabet ar gerioù gant Mai Ewen, liammet gant liv an amzer, ha gerioù n'int ket bet implijet ar bloavezhioù paseet.

> Brav ha souezhus an disoc'h, Padrig Drean a lavar zoken en deus adkavet "e awen". Bep hini e vod, gant Kirill, ur wech an amzer e vez meneget mistri bras an haiku evel Buson, Basho... Gant Rejin Gwilhamot e vez kaoz alies deus ar vuhez familh, levenez simpl bugale vihan o kreskiñ. Gant Herve Latimier, c'hoari gant ar gerioù. Gant Yann Klaod ar Ruyet e vez tost an traoù ouzh an natur ivez, Izabel Araujo he doa kemeret perzh ivez. Alies, evit an holl, meneget brezel Ukrainia ha Rusia, penaos e c'hell ur barzh pe ur varzhez chom nep bout kizidig ouzh ar pezh a c'hoarvez er bed ? Gant RJ Kernoa e vez traoù brav ivez, ha Naig Kervella ivez. Santet e vez ur spered kengred etre ar varzhed (n'eus ket a briz kentañ, evit ur wech), laouen an dud da rannañ o fromoù, o skeudennoù... Lennet int bet war ar rouedadoù sokial kalz muioc'h eget ar bloavezhioù a raok, a-drugarez da facebook e brezhoneg (12000 den koumanantet) hag ar bajenn fea he deus kerestket a 300% e miz Meurzh a-drugarez da goumananterien Facebook e brezhoneg. Marteze e vo haikerien nevez 'benn bloaz ? Ur wech flemmet gant ar c'hoant da skrivañ 5/7/5 silabenn, da c'hoari gant ar skeudennoù, ar sonioù, an eñvorennoù. Skrivañ traoù simpl ha berr a glot ken mat gant an doare da lenn hiziv an deiz, buan hag aes...

>

>

> Skouerioù :

>

> spontailhoù skrijus

> ar c'hovid pe ar brezel

> pehini ar gwashañ ?

> KG

>

> greun leun ar solier

> dour, gouell, tommder, lambigoù

> dour aour ar vuhez

> HL

>

> koachet er solier

> lizhiri a garantez -

> deviñ anezho !

> ME

>

> hiboud un tasmant

> e korn ar solier

> awen hud ar marvailher

> RJK

>

> Facebook milliget

> eilganet Amañ neoazh

> ma anien barzh

> Padrig Drean

>

> e porzh ar person

> solierad paperioù kozh

> sell lemm ar furcher

> Padrig Drean

>

> mojell war ma jod

> allazig tener

> ar marc'h rouz en disheol

> RJK

>

> ar marc'h e vantell-c'hlav

> e-unanig ha dibaouez

> o peuriñ ar yeot gleb

> ME

>

> Ar paotr yaouank kozh

> goude meur a lipadenn

> yezh-plaen en davarn

> IA

>

> Monette ar gazeg

> deuet war bez he mestr,

> e-kreiz ar vered

> MK

>

> steuziet ar marc'h glas

> an deiz war e dalaroù

> poent distreiñ d'ar gêr

> AK

>

> 'vel ar wezenn derv

> e kreiz ar park flaerius

> bout, ha kenderc'hel

> MK

>

> Furlukin ha diaoul

> o daou ‘ vale kêr laouen

> Meurlajez diroll

> IG

>

> Marc’had diwask

> gaeoc’h an dud

> ar golvan a c’halv d’an drask

> YGAR

>

> Trouzioù brezel er reter

> ema ar bleidi é yudal

> etreze e stourm ar vreudeur

> YGAR

Voir aussi :
0  0  
mailbox
Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....
Gwelout pennadoù all Kerne Multimédia
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font 1 multiplié par 8 ?