Kafedi Istor - Brezel Hêrezh Breizh hag e heuliadoù betek marv Yann IV (1341-1399)

- Agenda -

Kafedi Istor : "Brezel Hêrezh Breizh hag e heuliadoù betek marv Yann IV (1341-1399)" (lusket gant Rafael Urien) D’ar Sadorn 10 a viz Meurzh 2017, 2e30 goude merenn, e tavarn ar Finnegans, 46 straed Aristide Briand, KEMPER

Rafael Urien Par Kevredigezh Vrezhon le 1/03/18 16:12

Kafedi Istor : "Brezel Hêrezh Breizh hag e heuliadoù betek marv Yann IV (1341-1399)" (lusket gant Rafael Urien)

D’ar Sadorn 10 a viz Meurzh 2017, 2e30 goude merenn, e tavarn ar Finnegans, 46 straed Aristide Briand, KEMPER

Goude marv Yann III e 1341 e teu dizemglev evit e hêrezh etre e nizez Janed Pentevr hag e hanter-vreur Yann Moñforzh, unan luziet ken ez eo : tra m’eo skoret Janed -hag hi oc’h embann he savboent e anv gwir ar merc’hed da dreuzkas ha sammañ an tron dugel, gant ar roue kapetat a zo diazezet e hini war divarregezh ar merc’hed d’en ober, ez eo Yann Moñforzh, diouzh e du, hag eñ oc’h embann ne c’hall ket ar merc’hed en ober, skoret gant ar roue saoz Edouarzh III a embann bezañ roue Frañs dre wirioù e vamm ! Evel-se e krogas Brezel Hêrezh Breizh, ur stourm war an dro dibar ha liammet ouzh Brezel Kant Vloaz.

Ar brezel-se, gwadek, distrujus ha rivinus ken ez eo, a echuas goude marv Charlez Blois, gwaz Janned Pentevr, e 1364 : gant feur-emglev Gwenrann 1365 e voe anavezet Yann IV, mab Yann Moñforzh, evel dug Breizh gant an holl. Met merzet e voe gant meur a hini evel penn un tuad kentoc’h eget evel un dug, ha rendaelet e voe e reizhwirielezh hag e geneilded ouzh Bro-Saoz betek e varv e 1399.

Voir aussi :

Peseurt plas evit ar brezhoneg 'ba bed ar vell-droad ? par BREZHOWEB le 21/02/2024
" Ne vo ket savetaet ar brezhoneg gant ar skol nemetken ! " - Pennad Kaoz gant Gwenole Larvol par BREZHOWEB le 09/02/2024
Ar c’henaozadur Kevre Breizh a c’halv d’en em sevel evit difenn ar brezhoneg d'an 3 a viz C'hwevrer e Sant Brieg par Kevre Breizh le 02/02/2024
C'hoarioù taol e brezhoneg e-leizh 'ba deiziataer Brezhoweb ! par BREZHOWEB le 05/01/2024
Nantes s'engage vers le niveau 2 de la charte Ya d'ar brezhoneg par Philippe Argouarch le 12/12/2023
Oferenn e brezhoneg e Naoned par J.R. le 05/12/2023
Krouiñ, skrivañ e brezhoneg : perak ne vez ket muioc'h a draoù nevez ? Pluennoù nevez ? par Kerne Multimedia le 25/10/2023
Taol grenn disadorn 28/10 ba Karaez : al lennegezh evit ar yaouankiz e brezhoneg par Kerne Multimedia le 20/10/2023

Mennet eo ar Gevredigezh vrezhon da grouiñ ur vuhez kevredigezhel brezhon dre obererezhioù liesseurt : displegadennoù mareadek war dodennoù lieseurt (istor, douaroniezh, fizik, armerzh, prederouriezh, lennegezh…), c’hoariva, festoù-noz, mennozhioù a bep seurt da ziorren diouzh kinnig ar berzhidi… Kinnig a reor traoù a sell hon amzer kempred hag an dazont, kuit a gement spered “folklorel“ a ve, hag a sell kenkoulz Europa hag ar bed a-bezh ha Breizh hag ar broioù keltiek all Sevel e Breizh a-bezh ur rouedad kreizennoù lec’hel a vuhez kevredigezhel brezhon eo pal “Kevredigezh Vrezhon“…Mard oc’h deuriet gant hon embregadenn e c’hellit mont e darempred ganeomp a-benn krouiñ kreizennoù lec’hel en ho kornvro

Gwelout pennadoù all Kevredigezh Vrezhon

Vos 0 commentaires :

Commenter :

Put your name here

ABP

Embann

Nous suivre