Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
Maen Tristan e-kichen Fowydh - Mikael
Maen Tristan e-kichen Fowydh - Mikael "ar Gov" ha Tomaz Flamank e Lannaghevran - Henry Jenner e Yet Lanndreth (Lanndreth)
- Agenda -
Kafedi Istor : Istor Kernev Veur gant Rafael Urien

Kafedi Istor lusket gant Rafael Urien, d’ar Sadorn 25 a viz Meurzh 2017, 2e30 goude merenn, e tavarn Ar Finnegans, 46 straed Aristide Briand, Kemper

Rafael Urien pour Kevredigezh Vrezhon le 12/03/17 18:32

Kafedi Istor : "Istor Kernev Veur", lusket gant Rafael Urien.

D’ar Sadorn 25 a viz Meurzh 2017, 2e30 goude merenn, e tavarn Ar Finnegans, 46 straed Aristide Briand, Kemper

Ul lodenn eus Preden ne oa ken Mervent an enez, annezet gant Dumnonii, treuzfurmet e rouantelezh Devnon (pe Domnonia) e dibenn an Henamzer/deroù ar Grennamzer, disrannet diouzh ar Vrezhoned all avat goude emgann Dyrham e 577. Ul lodenn eus he foblañs a zivroas da Walarn Galia, a zeuas da vezañ "Breizh", ha rouaned o defe renet war an dro war an daou du eus ar mor, evel Mark Konomor er VIvet kantved.

Da heul kiladenn ar Vrezhoned dirak araokadennoù Saksoned rouantelezh Wessex e lezas rouantelezh Devnon plas da hini Kernev-Veur, faezhet a-benn ar fin gant Wessex en IXvet-Xvet kantved : echu e oa gant he dizalc’hiezh. Adalek donedigezh an Normaned e dibenn an XIvet kantved hepken avat e teuas yev ar rouantelezh saoz da vezañ kreñv. Betek ar XVIvet kantved e viras Kernev-Veur ensavadurioù dibar, oc’h en em sevel zoken pa voent lakaet en arvar, evel e 1497, met ivez darempredoù stank gant Breizh, pa chomas tost-tre an div yezh.

Disrannet e voe Kernev Veur ha Breizh gant Adreizhadur relijiel ar XVIvet kantved, hag enframmetoc’h e voe e bro-Saoz, tra ma kile ar c’herneveureg evit mont da get e dibenn ar XVIIIvet kantved.

Ar Reveulzi c’hreantel, hag ar mengleuzioù pergen, a stummas don dremm Kernev-Veur en XIXvet ha zoken en XXvet kantved, daoust m’en deus kemmet kalz an armerzh gant diorren obererezhioù all evel an touristerezh. Adsavidigezh ar c’herneveureg evel yezh komzet gant Henry Jenner, e deroù an XXvet kantved, a loc’has dihun eus an emskiant vroadel e Kernev-Veur.

Voir aussi :
mailbox
Mennet eo ar Gevredigezh vrezhon da grouiñ ur vuhez kevredigezhel brezhon dre obererezhioù liesseurt : displegadennoù mareadek war dodennoù lieseurt (istor, douaroniezh, fizik, armerzh, prederouriezh, lennegezh…), c’hoariva, festoù-noz, mennozhioù a bep seurt da ziorren diouzh kinnig ar berzhidi… Kinnig a reor traoù a sell hon amzer kempred hag an dazont, kuit a gement spered “folklorel“ a ve, hag a sell kenkoulz Europa hag ar bed a-bezh ha Breizh hag ar broioù keltiek all Sevel e Breizh a-bezh ur rouedad kreizennoù lec’hel a vuhez kevredigezhel brezhon eo pal “Kevredigezh Vrezhon“…Mard oc’h deuriet gant hon embregadenn e c’hellit mont e darempred ganeomp a-benn krouiñ kreizennoù lec’hel en ho kornvro
Gwelout pennadoù all Kevredigezh Vrezhon
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font 2 multiplié par 2 ?