Kan : an diazez ?

- Chronique -

Kan : an diazez ?

Evit Mixel Exekopar, kaner, dastumer, skolaer e bro Euskadi eo anat : pa vez kollet ar yezh e chom ar c’han c’hoazh...

Fanny Chauffin pour Kerne Multimédia le 30/10/17 14:41

Réalisation :

Evit Mixel Exekopar, kaner, dastumer, skolaer e bro Euskadi eo anat : pa vez kollet ar yezh e chom ar c’han c’hoazh. Pa grog ar vuhez gant ar babig, pe pa echu buhez an dud war an douar, kozh-tre, ne chom’ met un doare da vont e darempred gant ar bed : ar c’han, sonerezh ar gerioù... Farsal a ra pa lavar e chom tud a gan en euskareg e lec'hioù zo eus bro Spagn m'eo bet peurgollet an euskareg ... evel evit ar brezhoneg e lec’hioù ‘zo.

Roudaut- Ar Borgn vs sonerezh hengounel ?

Gant Diwan e oa ganet ur remziad tud o doa ijinet kanaouennoù ha tonioù nevez, Daniel an Doujet en o zouez evit ur bern sonennoù. Gant Jean-Luc Roudaut, kaner atav e div yezh, e vez kanet « ar c’hamion a vro Leon » pe « Enora », gant miliadoù a vugale, abaoe ganedigezh Diwan.

Gant Jakez ar Born e oa bet kompozet meur a son, e-unan pe asambles gant ar vugale, trec’h evit ar Kan ar bobl meur a wech. En tu all eus bro Leon e vez kavet sonerien ha kanerien ampart evel David ar Gall, kaset gantañ meur a c’hlas betek Pondi hag aozer kan ar Redadeg 2016. Levezonet muioc’h gant kan hengounel bro Wened, evel Yannig eus Pondi, setu skolaerien ha kelennerien o doa treset un dazont evit ar c’han e brezhoneg, pe en ur mod hengounel, pe en ur mod nevesoc’h..

Bugale ha krennarded kanerien hiziv an deiz ? ?

Hunvre tud ‘zo a oa sevel lazoù-kanañ e pep skol Diwan. Kemer perzh a ra pep bloaz ar skolioù divyezhek da Gan ar Bobl met ne vez ket kement-se a skolioù Diwan hiziv. Ul labour dreistordinal a vez graet e skolioù zo. Met piv a c’hell kanañ meur a zek kanaouenn dre 'n eñvor e brezhoneg ? Piv a oar evel e bro Euskadi pe e bro Gembre, bro Iwerzhon, kanañ div eurvezh da heul dizehan paozioù e brezhoneg ?

Gant Kreiz Breizh Akademi, gant Allah’s kanañ, eo deuet liseidi Diwan a-benn da ganañ traoù brav ha nevez evit lod anezho. Met marteze e vefe mat lakaat da bal mestroniañ gwelloc’h ar c’han hengounel ha nevez er c’hlas, evit gallout sevel remziadoù a oar kanañ hag o deus plijadur d’hen ober ?

Voir aussi :

KOUN BREIZH soutient l'appel à manifester lancé par DIWAN à PERROS-GUIREC par Yvon Ollivier le 17/04/2024
KOUN BREIZH soutient l’appel à manifester lancé par DIWAN à SAINT-BRIEUC le samedi 3 février 2024 par Koun Breizh - Bertaign Tenant - Mémoire-de-Bretagne le 22/01/2024
50 vle o kanal : bourrus e oa deiz-ha-bloaz an Trouzerion ! par Kerne Multimedia le 16/10/2023
Pluenn varzhoniel Loig Kampion par Kerne Multimedia le 19/06/2023
21vet Priz ar Yaouankiz : Paol ar Meur ha Mai Ewen trec'h par Kerne Multimedia le 16/06/2023
Konterien e brezhoneg : kan ar bobl gant 7 konter, plijadur ha liesseurted par Kerne Multimedia le 22/04/2023
Daeroù Mickael : arrouez Kan ar bobl 2023 ? par Kerne Multimedia le 20/04/2023
"Gournamant Korea 'neus aon rak Rusia" Seongwoo Kang par BREZHOWEB le 19/04/2023

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

Gwelout pennadoù all Kerne Multimédia

Vos 0 commentaires

Commenter :

Put your name here

Evit Mixel Exekopar, kaner, dastumer, skolaer e bro Euskadi eo anat : pa vez kollet ar yezh e chom ar c’han c’hoazh...

Roudaut- Ar Borgn vs sonerezh hengounel ?

Bugale ha krennarded kanerien hiziv an deiz ? ?

ABP

Embann

Nous suivre