Lezenn « evit ur skol a fiziañs » ha kelenn divyezhek : Kevre Breizh a sav mouezh a-enep politikerezh war-gil Jean-Michel Blanquer

- Communiqué de presse -

Kemennadenn Kevre Breizh goude komzoù mezhus Jean-Michel Blanquer dirak ar Sened d'ar 16 a viz Mae diwar-benn ar c'helenn divyezhek dre soubidigezh.

Tangi Louarn Par Kevre Breizh le 23/05/19 12:32

Spontet eo Kevre Breizh gant komzoù mezhus a-berzh ministr an Deskadurezh Stad er 21añ kantvet bet dalc’het gant Jean Michel Blanquer diwar-benn ar c’helenn dre soubidigezh, ha dre vras gant nac’hadenn an holl gemmoù-lezenn evit gwellaat diorren ar yezhoù-rannvro bet kinniget e-pad votadeg al lezenn evit ur skol a fiziañs. Lavar gaou toullet eo komz eus an unyezhegezh evel m’en deus graet d’ar 16 a viz Mae pa’z eus eus ar reizhiad-mañ er Frañs abaoe 50 vloaz en Euskadi, ouzhpenn 40 vloaz e Breizh, ganti disoc’hoù mat ken-ha-ken ha stummet enni yaouankizoù divyezhek ha zoken liesyezhek, digor war liested ar yezhoù hag ar sevenadurioù. Graet e vez gant an hentenn-se un tammig e pep lec’h dre ar bed, evit ar galleg hag all e proviñsoù saoznek ar C’hanada.

Ar reizhiad unyezhek an heni eo a chom uhelvennad an Ao. Blanquer eta, en ur vro unyezhek kaeet e-kreizig-kreiz he harzoù.

Ouzhpenn se e teu treut lod ar yezhoù-rannvro gant adreizhadur al lise hag ar vachelouriezh, evel ma’z eo bet lakaet en a-raok gant Max Brisson, daneveller al lezenn er Sened. Lezet e vezont da zibab gant un nebeud arbennikourien hepken war-goust ur c’helenn priziet ha kinniget d’an holl, hag e c’heller e choaz en holl hentadoù evel glad pep heni.

Evit a sell ouzh an treuziad-skol eo bet engouestlet kentañ ministr Édouard Philippe da souten diorren an tri hentad divyezhek (divyezhek publik, divyezhek katolik ha divyezhek kevredigezhel dre soubidigezh Diwan) d’an 8 a viz C’hwevrer 2019 dre sinañ Kevrat an oberezh publik evit Breizh. Sevel a ra Kevre Breizh a-enep diouer ar ministr Jean Michel Blanquer en deus lakaet degemer ur gemmadenn diefed ha diamplet emañ daneveller al lezenn ec’h unan a-enep dezhi, kement hag an holl gevredigezhioù. Gant se e c’houlenn groñs kenurzhierezh sevenadurel kevredigezhioù breizhek Kevre Breizh ma vo lakaet e plas ur wikefre aes a raio tu d’ar familhoù da zibab an hentad kelenn divyezhek par-ouzh-par pe dre soubidigezh, er c’helenn publik evel en heni prevez pe gevredigezhel.

47721-kevrebreizhkemennadenncommuniq.pdf Kemennadenn Kevre Breizh, 22/05/2019. Source : Kevre Breizh

Voir aussi :

" Ne vo ket savetaet ar brezhoneg gant ar skol nemetken ! " - Pennad Kaoz gant Gwenole Larvol par BREZHOWEB le 09/02/2024
Les mardis de l’Institut Culturel de Bretagne / Meurzhvezhioù Skol Uhel Ar Vro par Maëlig Tredan le 25/01/2024
L’Institut Culturel de Bretagne - Skol Uhel ar Vro devient membre de la FUEN par Institut Culturel de Bretagne le 20/09/2023
Un dresadenn-vev nevez war Brezhoweb evit an distro-skol par BREZHOWEB le 06/09/2023
Youl tud yaouank Jeorjia a-enep lezenn Rusia par Anna Mouradova le 14/03/2023
Convention Etat-Région langues de Bretagne : au secours, Blanquer revient ! par Kelennomp le 17/01/2023
Ya gant dilhad nevez an distro-skol ! par Kerne Multimedia le 14/09/2022
Anvioù an dud Erminiget e 2022 a zo bet embannet gant Skol Uhel ar Vro par J-L Le Floc\'h le 05/08/2022

Gwelout pennadoù all Kevre Breizh

Vos 0 commentaires

Commenter :

Put your name here

ABP

Embann

Nous suivre