Liseidi Diwan : diwan, un evn, ur raden, ur vag ?
Distro-skol e Karaez, un digarez evit goulenn gant pep hini e soñj diwar skeudenn Diwan.
Eil devezh goude an distro-skol. Kroget ar c'hentelioù. En oaled, pemp den aterset ...
E klas Termen ha Kentañ emañ ar pemp lisead a zo deuet da respont da goulennoù reportourien an ABP.
Liseidi evel ar re all ar re zo e Diwan ? Ya pe pas ? Fent a zo ganto atav. Daoust d'an niver a dud a zo skoliataet e brezhoneg (galleg : 250 000 er privez, 250 000 er publik, hervez sifroù Akademiezh Roazhon / Diwan : 3000, gant 4,7% a gresk) eo souezhus da welout an nerzh hag ar mignoniezh vras a zo etrezo. Fizians en dazont, barzhoniel-kenañ ar sell ouzh Diwan : un ti leun a livioù gant bugaligoù, un evn o veajiñ etre bro Euskadi ha bro Gembre, raden Anjela Duval, pe c'hoazh ur vag a ya war raok ...
Commentaires (3)
"Ha ma vefe ur plant?" Mat e vefe doujañ ouzh reolennoù ar yezhadur brezhonek, pa ne vez ket doujet ouzh reolennoù ar fonologiezh dija gant darn eus liseidi Diwan. "Plant" a zo un anv hollek, dre-se ne c'heller ket implijout ar ger-mell amreizh araozañ... Ret e oa lavaret "ur blantenn" pe "ur spesad plant". A gav din, atav...
Ma ! C'hoarvezout a ra gant an holl ober fazioù bihan e-giz-se, pe ve e galleg peotramant e brezhoneg, dre skrid pe dre gomz. Arabat klask laou 'ba penn an dud e-giz-se, Aleks. Brav dija e teufe brezhoneg gant an dud yaouank-se, a gav din.
Ya, moarvat, If! Re strizh e vezer a-wezhioù...