Morwenn le Normand et Roland Conq ba Kemperle gant bugale fur ha foll

Un daouad brudet-mat bremañ ha kroget o deus da ginnig un abadenn nevez evit ar vugale. Aet kuit Marie Jozeb, "klañv bras barzh he gwele", ha setu ar c'hilog kollet gantañ e dog, ar c'hazh, ar pemoc'h...

Gouel ar vugale, se zo un dra nevez b'ar vro. A-raok e oa ur fest deiz, gant tud deuet, kozh a-walc'h.

Ur bariadenn eo gant tud ar vugale Diwan Kemperle da lakaat ar vugale war ar stern, da ginnig dezho stalioù, hag un abadenn evit echuiñ. N'eus ket kalz a abadennoù hiziv an deiz evit ar vugale : c'hoariva (re nebeut : strollad Kallag, Strollad ar Vro Bagan, Erwan Hemeury, ...) n'eus ket a-walc'h, hag evit ar 17 000 bugel skoliataet e brezhoneg e vez kanet gant Jakez ar Born ha Perryn, Katell Kloareg ha Fred, Mona Jaouen, Jean-Luc Roudaut... Ha pa vez prientet an abadenn er skolioù, pa vez klevet ar vugale o kanañ "ul loen bihan o vont d'ar skol" asambles, pegen bravoc'h eo eget bugale o redek ha kerent diseblant !