Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
Priz ar vugale 2020
Priz ar vugale 2020
- Chronique -
Myriam Guillevic, Gege Gwenn ha Jean-Patern Ars : an tri skrivagner dibabet gant ar re yaouank
Roet e oa bet Priz ar vugale ha Priz ar Yaouankiz e fin Miz Even e Lann er stêr ha dre Internet abalamour d'ar genfinadeg
Fanny Chauffin pour Kerne Multimédia le 13/07/20 23:29
50722_2.jpg
Priz ar vugale 2020

Roet e oa bet Priz ar vugale ha Priz ar Yaouankiz e fin Miz Even e Lann er stêr ha dre Internet abalamour d'ar genfinadeg

Kroget oa bet avañtur prizioù ar Yoaunkiz e 2004 e Kemper, diwar skouer "Le Prix des Incorruptibles" a lak 500 000 bugel ha krennard da lenn en galleg pep bloaz (war dro 500 evidomp). Penaos ober ? Kas ur gerig da 200 skrivagner danevelloù e 2004, gant 50 respont evel "n'ouzon ket skrivañ evit ar re yaouank, met klask a rin". Ha setu Gwenvred Latimier-Kervella bet trec'h e gouel al levrioù Karaez fin miz Here 2004.

E 16 bloavezh, 150 levr a zo bet embannet gant Keit Vimp bev, lennet gant miliadoù a dud yaouank, ar bloaz-mañ gant 20 skol, 7 skolaj ha lise, etre Gwennramm ha Gwitalmeze, Ar Releg, Kommanna, Kemperle, Lann er stêr...

Adkavet e vez tud boaz da skrivañ evit ar yaouankiz, Pierre Emmanuel Marais, Paskal Hervio, Yann-Fañch Jacq, Laurence Lavrand... Met plas a zo ivez evit ar skrivagnerien yaouank : Maina Sicard Cras, bet skrivet daou levr Priz ar vugale ganti, Carl Diekman, trec'h pa oa e Pempvet klas skolaj Diwan Kemper, hag ar bloaz-mañ, Jean-Patern Ars, skolaer yaouank, ha desket ar brezhoneg gantañ' nevez zo...

Trugarez d'an holl gelennerien o deus lakaet ar re yaouank (342 evit Priz ar yaouankiz ha 131 evit Priz ar vugale)

Marathon miz Even : reiñ ar prizioù evit an 10 levr bet lennet, pevar evit ar re ce2/cm2, tri evit ar re 6vet/5vet, ha tri all evit ar re 4re/lise. Ha dibab gant ar juri an dek levr a vo embannet 'benn miz Here 2020.

Ha petra vo da lenn, emit-hu ? Peadra vo c'hoazh : skrivagnerien nevez : Loeiza an Duigou ha RJ Kernoa, ha souezhadennoù ivez gant tud a skriv abaoe pell : Kristian ar Bras, Paol ar Meur, Sarah Chedifer, Yann-Fañch Jacq, Gege Gwenn, Pierre-Emmanuel Maraix, Muriel Le Morvan, Jakez-Erwan Mouton.

Evit ar gelennerien o dije c'hoant lenn ar skridoù a-raok o studiañ gant ar skolidi hag ar skolajidi, liseidi, kit e darempred gant afea [at] laposte.net

Ar re zo bet trec'h

Priz ar vugale : Ar janglenn drouzus, Myriam Guillevic (47% ar mouezhioù)

Priz ar yaouankiz 6vet/5vet : Pêrig a wel mat, Jean-Patern Ars (31% ar mouezhioù)

Priz ar Yaouankiz 4re/lise : Tamara, gant Gege Gwenn (22% ar mouezhioù)

playlist enrolladennoù priz ar vugale

https://www.youtube.com/playlist?list=PLSVwJlXhn4FNzpzM_5fCvB_xMvi5xM8Sl

evit priz ar yaouankiz

https://www.youtube.com/playlist?list=PLSVwJlXhn4FOM0YbymAjgbJGRZ4C-qlNC

Voir aussi :
Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....
Gwelout pennadoù all Kerne Multimédia
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font ( 9 multiplié par 4) + 2 ?

ABP

Embann

Nous suivre

2003-2024 © Agence Bretagne Presse, sauf Creative Commons