Penaos kaout sikour da lenn e brezhoneg ?

N’on ket an hini nemetañ, an hini plaset ar gwellañ, evit respont d’ar goulenn-mañ, ha trugarez d’an holl a roio titouroù pleustrek, evel ma rae Marie-Renée Rinquin e miz Genver. Klask a ran, nemetken, reiñ an titouroù pa ouzon tra pe dra.

N’on ket an hini nemetañ, an hini plaset ar gwellañ, evit respont d’ar goulenn-mañ, ha trugarez d’an holl a roio titouroù pleustrek, evel ma rae Marie-Renée Rinquin e miz Genver.

Klask a ran, nemetken, reiñ an titouroù pa ouzon tra pe dra.

Un doare mat evit mont war-raok, evit liammañ brezhoneg ouzh plijadur/c’hoarioù/deskiñ/anavezout ar vro

a zo koumanantiñ d’ar gazetenn #brezhoneg Hiziv an deiz, a-drugarez – un tammig… - d’ar C’hovid e c’heller deskiñ ha mont war-raok en ur chom er gêr. A bep seurt doareoù a zo – evel Desketa gant Ofis ar brezhoneg a vez kavet efedus gant un tamm mat a dud, evit mont war-raok gant ar yezh.

Gant ar pezhioù-c’hoari e c’heller ivez mont war-raok Testennoù berr zo bet savet gant Ar Vro Bagan, pe gant Paul Madeg* ( 7 anezho zo bet embannet e brezhoneg), pe lod a gaver war lec’hienn TES

Gant ar soñj liammañ « lenn » ha « c’hoari » em eus roet lañs me, n’eus ket pell, d’un heuliad pennadoù berr, 1000 sin, a echu gant daou ginnig posupl. D’an dud da lenn etre al lun hag ar meurzh da noz, war pajenn Facebook Lennomp , ha da votiñ a-raok ar meurzh da noz. Hervez an disoc’hoù e vo kendalc’het an istor.

Ar re n’int ket sot gant seurt c’hoari a gavo gwelloc’h, marteze, lenn pennadoù berr, 1000 sin atav, - skrivet ganin evit ar re gentañ met ken buan all e vo tud all o skrivañ - lakaet war wel ivez war ma fajenn Facebook. Amañ e vo savet pennadoù liesseurt. Ne vo ket ret d’an dud bezañ a-du gant pennad-mañ-pennad. Tud all a c’hello ivez skrivañ ar 1000 sin-se (evit se kasit keloù din : yf.jacq@gmail.com)