Stajoù e brezhoneg : plijadur en ti-feurm

Nozvezh diwezhañ ar staj "Plijadur en ti-feurm". Pedet oa bet kanerien kan ha diskan ar vro, strollad "les canards de l'Isole", ha maouezed o fardañ krampouezh evit ar strollad tud

Nozvezh diwezhañ ar staj "Plijadur en ti-feurm". Pedet oa bet kanerien kan ha diskan ar vro, strollad "les canards de l'Isole", ha maouezed o fardañ krampouezh evit ar strollad 40 a dud.

16 bugel etre 8 ha 12 vloaz o tont deus Banaleg, Plomeur, Tremeven ... oa asambles e-pad ur sizhun evit dizoleiñ an ti-feurm, c'hoari barzh ar plouz, mont da c'horo ar saout, da glask anezho er parkeier, da zizoleiñ an natur brav-eston a zo e trowardroioù Skaer.

Trede bloavezh labour ha kenlabour gant Gi Penseg, labourer douar boaz da zegemer ar vugale hag Emmanuelle Pele, ar renerez. Desket ganti ar brezhoneg e 6 miz gant Stumdi, deuet eo a-benn da ren stajoù vakansoù e Brasparzh hag e Skaer, o vodañ tro dro dezhi ur skipailh efedus. Mod-se e vez tremenet vakansoù plijus, e brezhoneg, gant brezhonegerien laouen da dremen un tamm amzer gant bugale a oar bremañ penaos e vez graet an amann, da betra servij privezioù sec'h, ha desket ganto paozioù gavotenn ar vro, eveljust !

Tost 600 bugel a zo o vakansiñ e brezhoneg er Chapel Nevez, an Oaled, e Redon, St NOlff ... Chom a ra un nebeut plasoù evit stajoù miz Eost. Evit gouzout hiroc'h :http://www.ubapar.org/rubrique54.html