Taol grenn disadorn 28/10 ba Karaez : al lennegezh evit ar yaouankiz e brezhoneg

- Reportage -

Lidet eo bet a-hed ar bloaz 20 vloaz priz ar Yaouankiz : prizioù er skol Diwan Kommanna, e skolaj Ar Releg, ti-annez e Kemperle gant 10 skrivagner.ez, skritelloù, hag un daol grenn disadorn !

Fanny Chauffin Par Kerne Multimedia le 20/10/23 17:52

Evit skoazell lenn ar skolidi : enrollet e vo pep levr Pav ha Pay :

Réalisation : tv bro kemperle- fea

(383 vues)

Brav ar skritell, evel kustum ! Graet gant Olwen Manac'h

Lidet eo bet a-hed ar bloaz 20 vloaz priz ar Yaouankiz : prizioù er skol Diwan Kommanna, e skolaj Ar Releg, ti-annez e Kemperle gant 10 skrivagner.ez, skritelloù, hag un daol grenn a vo 'benn disadorn !

Ganet e 2002 e Kemper goude asant Kuzul Meur Penn ar bed ha Renerezh Yaouankiz ha sportoù Roazhon, en doa ar Priz kendalc'het gant e hent ugent vloaz. Heuliet e oa bet gant ar gevredigezh fea (bodañ ar skrivagnerien, dibab an testennoù gant daou juri, lakaat difazerien da adwelout pep testenn dibabet, kinnig enrolladennoù d'al lennerien, aozañ er prizioù e fin ar bloavezh skol...) ha gant an ti-embann Keit Vimp bev (maketenniñ, embann, brudañ, kas d'ar gelennerien al levrioù...). 115 levr oa bet embannet.

E 2007 e oa bet kinniget levrioù d'ar re vihan war skouer hini "Petite Poche" goude ur staj skrivagnerien e Kemper, anvet "Priz ar Vugale". 60 levr oa bet embannet e korf 15 vloavezh.

Gant 60 skrivagner.ez e oa bet skrivet traoù a bep seurt : romantoù polis, mollac'h, skiant faltazi, istorioù buhez tud yaouank a vremañ, romantoù istorel... A-wechoù e vez skrivet gant an hevelep skrivagner.ez ur romant PaV ha PaY. Da skouer, gant Mai Ewen, romantoù istorel (an Dukez Ana, Kevrin an Enezenn e mor an Habask, ... ) romantoù buhez (E bord stêr Izol, Nana Marina, Me ha Titaw...) evit an daou briz. Memes tra evit Pierre-Emmanuel Marais, Jakez Erwan Mouton, Yann-Fañch Jacq, Laurence Lavrand, Paskal Hervio...

Gant skolajidi oa bet skrivet kentoc'h levrioù PaV (Den Bleiz, Ur sorserez eo Mamm gozh, Miss Redadeg 2018, ...) ha gant liseidi e Karaez hag e Lann er stêr e oa bet skrivet meur a hini (Gwenvred Latimier Kervella, Mael Poulossier, Uisant Crequer, Moran Dipode ha Marianna Donnart, ...).

Kaset e vo an daol grenn gant Gwenola Coic da 10e30 er C'hleub e Karaez d'ar sadorn 28/10. Aze e vo ar skrivagnerien da heul, ha kredapl tud all c'hoazh : Paol ar Meur, Laurence Lavrand, Malo Bouessel du Bourg, Gege Gwenn, Uisant Crequer, Hervé Lossec, Myriam Guillevic, Pasal Hervio, Milena Krebs.

Cheñchet e vo temoù gant platelloù 10 mn, hag e chomo evit ar fin ar goulenn : petra 'vo dazont Pav ha Pay ?

Evit ar skolaerien hag ar gelennerien o dije c'hoant da gemer perzh e PaV (kelc'hiad 3) pe e PaY (6vet/trede-eilvet), kasit ho enskrivadenn da :

Voir aussi :

20 vloaz Priz ar yaouankiz : un daol grenn interessant hag a zres hentoù nevez par Kerne Multimedia le 29/10/2023
Priz ar Vugale : div enrolladenn dija, hag ur c'haier poelladennoù par Kerne Multimedia le 13/10/2023
20 vloaz Priz ar Yaouankiz : un avañtur gant 182 titl abaoe 2004 ! par Kerne Multimedia le 16/09/2023
FIL 2024 : yaouankizoù broioù keltiek par Kerne Multimedia le 19/08/2023
Priz ar vugale : Laurence Lavrand trec'h gant "Manegoù ar re CP" par Kerne Multimedia le 03/07/2023
21vet Priz ar Yaouankiz : Paol ar Meur ha Mai Ewen trec'h par Kerne Multimedia le 16/06/2023
10 levr enrollet gant Keit Vimp Bev ha fea par Tvbro kemperle le 16/02/2022
Pevar levrig nevez evit ar moused par Kerne Multimédia le 03/10/2021

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

Gwelout pennadoù all Kerne Multimedia

Vos 0 commentaires :

Commenter :

Put your name here

ABP

Embann

Nous suivre