Treizerien soñjoù : kemer skouer Diwan Kastell-Paol ?

- Editorial -

Gwelout skol Diwan Kastell Paol o tañsal, pegen dispar e oa !

Fanny Chauffin pour ABP le 18/07/11 15:55

Ur mennozh, tra ken : ha ma vefe lakaet evit gouel an treizerien soñjoù, kanerien ha danserien asambles, ar re yaouank hag ar re gozh, ar vrezhonegerien nevez hag ar re a oar abaoe pell ?

Arrouezus e oa ar bloaz-mañ labour Kastell Paol : un hanter kant a vugale gant pemp den deuet, o kanañ bouez penn hag o tañsal tonioù ar vro, gant plijadur ha startijenn !

Louise gant merc'hed Kemper, Kristian Duro gant 6veidi skolaj Diwan Jakez Riou, Mai-Ewen, Mich Beyer, Goulc'han Kervella, pe c'hoazh Pierre-Emmanuel Marais o sikour ar re yaouank da sevel raktresoù brav ...

Ha perak ket lakaat an holl da bleustriñ war un ton, un dañs, evit kaout plijadur asambles devezh an treizerien soñjoù ? Evit diskouez ur glad bev, ar yezh kanet ha danset, gant bugale o deus kement a blijadur hag ar re a zo deuet da welet anezho ha da zeskiñ dezho ur brezhoneg yac'h ha brav !

Voir aussi :

Treizerien soñjoù : 400 den, 180 treizher o kemer perzh par Fanny Chauffin le 22/03/2011

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

Gwelout pennadoù all gant Fanny Chauffin

Vos 0 commentaires :

Commenter :

Put your name here

ABP

Embann

Nous suivre