Trouz an Noz : youl ar stourm e Banaleg

Pevar strollad a zo bet meneget e abadenn Tracks, war Arte. E touez anezho, ur strollad deus Lannuon, leun a startijenn, gant komzoù stourmerien evit ar vro, evit ar brezhoneg, evit al labour douar a zouj ouzh an douar.

Ur strollad gant ur c'haner, daou gitarour, un tambouliner, div blac'h a ra trouz er mikro. Hag ur video e fons ar sal gant skeudennoù a bep seurt. 150 den yaouank bodet e tavarn "Pub tad kozh". Un tavarnour eurüs, o servij bier nevez fardet gant Visant, ar bier "Taol Kurun". Kanañ a reont e galleg, brezhoneg ha galloeg.

Pebezh startijenn ! A-enep ar faskourien, a-enep an agrobusiness, evit ur vro digabestr eo Trouz an Noz. Strollad politikel en ur mod. Niko, e penn ar strollad eo labourer douar bio. Ouhzpenn ar sonerezh rock a zo gant ar re-se : ar c'hoant da lakaat ar re yaouank emskiant deus ar pezh a vez bevet er vro.

Avit gouzout hiroc'h : http://www.tan.lautre.net/