Vakansoù e brezhoneg

- Communiqué de presse -

Evit ar wech kentañ, gant harp ar gevredigezh UBAPAR, eo en em vodet an holl aozerien kampoù vakañsoù brezhonek evit sevel ul levrig ma’z eo kinniget ennañ an holl greizennoù 2007 dre ar munud. Goude ar vakañsoù Pask e vo skignet hennezh er c’hlasoù divyezhek met gallout a rit lenn anezhañ « en avant première » war lec’hienn web UBAPAR.

Katell chantreau pour UBAPAR le 7/04/07 11:54

Bevañ a-stroll, dispakañ o ijin hag o c’horf, kaout darempredoù plijus e brezhoneg, sede ar pezh a fell deomp reiñ da vevañ d’ar vugale ha d’ar re yaouank. Ar brezhoneg eo yezh ar vuhez pemdez hag an obererezhioù en doare ma rank ar vugale gouzout trawalc’h a vrezhoneg evit gallout en em zibab aes. Setu an hañv o tont hag ar vakañsoù o tiskouez beg o fri. Er bloaz-mañ adarre e vo tu da gaout plijadur e-leizh. Bevañ gant mignoned, c’hoari, keginañ, en em zispakañ, kanañ a vouezh penn, eskemmañ, kousket e-barzh un deltenn… War ar maez pe war an aod, pep hini a gavo e lod.

Trugarez da gas ho enskrivadennoù an abretañ ar gwellañ ha d’an 20 a viz Even 2007 d’an diwezhatañ, d’hor skipailhoù buheziñ kaout amzer awalc’h da brientiñ brav kement kamp a zo.

Ur rouedad kevredigezhioù e Breizh eo UBAPAR (Unvaniezh Breizh evit buheziñ ar broioù war ar maez). Plediñ a ra gant ar buheziñ hag an diorren lec’hel. Unan eus palioù hon labour eo broudañ implij ar brezhoneg hag ar gallaoueg evit an obererezhioù dudi evit ar vugale hag an dud deuet.

(voir le site)

Gwelout pennadoù all UBAPAR

Vos 0 commentaires :

Commenter :

Put your name here

ABP

Embann

Nous suivre