Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
Niverenn 423 Al Liamm
Niverenn 423 Al Liamm
- Communiqué de presse -
War ar pont : niverenn diwezhañ Al Liamm
Treuziñ ar pont ha mont war ho nañvig ‘trezek gwenodennoù an haiku...
Fanny Chauffin pour Kerne Multimédia le 7/09/17 15:38

AL LIAMM 423 - GOUERE/EOST 2017

Treuziñ ar pont ha mont war ho nañvig ‘trezek gwenodennoù an haiku. Un droiad e kalon ur varzhoniezh bet diwanet e bro ar Sav-heol. Ur valeadenn sioul en ur bed soutil ha kuzh.

Ha klevet ho peus anv eus HAIMIZSKRIV ? Pennad digeriñ A. Kervella a zispleg deoc’h e vez aozet bep bloaz, ur mizvezh skrivañ haiku e miz Meurzh. Bemdez e vez kinniget ur ger da vezañ implijet en un haiku. Kirill Giraudon a zo unan eus ar re o deus kemeret perzh ha kontañ a ra penaos eo deuet da vourrañ ouzh Stumm munut, met stumm bev an haiku.

An holl haiku erruet war lec’hienn FEA-Haimizskriv a zo bet strollet en niverenn. Seizh e oant, feal hag ingal o kas o zammig skrid : Izabel Araujo, Clyde Dugly-Belmont, Mai Ewen, Kirill Giraudon, Regine Guillemot, Annaig Kervella ha Milena Krebs. Dourlivadurioù Evelyne Raoul a ro buhez ha liv d’an testennoù.

Setu un dibab anezho gant ar ger stêr (pajenn44) :

Trouz ar stêr/diseblant, ha ni o klask/kompren – MK

A-bep tu d’ar stêr/korz-dour hag elestr-palud/nij ur gerc’heiz vras – KG

Ar stêr glan he dour/’vouskan ‘tal ar prad/flistrad dour-teil – ME

Kerzhet diarc’hen/hag hep kas keloù, koll sonn/’barzh red yen ar stêr – IA

Sourral ra ar stêr/diskuizh-noz an nadoz-aer/pardaez war ar pont – AK/

Hag evit degas blaz orin an haiku e kinnig Kirill Giraudon un toullad haiku «klasel» bet savet gant mistri japanat an arz uvel-mañ :

Mouezh ar c’hloc’h/a droidell el latar/skleur an deiz o c’henel - Bashô (1644-1694)

War beg ur c’heotenn/dindan an oabl divent/ur verienenn - Hosai (1885-1926)

Klevet ho peus frondoù nevez ? Tañvaet blazioù dic’hortoz ? Splujet e bedoù liesliv, liestumm ? Deoc’h-c’hwi da sevel haiku «dic’hortoz, gant uvelded ha gant fent... ha dreist-holl gant kalz a blijadur» bremañ !

Morgan Tremel

Voir aussi :
Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....
Gwelout pennadoù all Kerne Multimédia
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font ( 3 multiplié par 0) + 2 ?

ABP

Embann

Nous suivre

2003-2024 © Agence Bretagne Presse, sauf Creative Commons