Put your name here

War roudoù emgann Kergidu D’ar Sadorn 24 a viz Meurzh 2018 – Kastell-Paol – Plougouloum – Trelaouenan – Kleder (lusket gant Rafael Urien)

E miz Meurzh 1793 e save poblañs Gorre Leon, renet gant Klaod Gabriel a Gerbalaneg, a-enep d’ar republikaned c’hall, ar jeneral Canclaux pergen en o fenn. Goude kabaduilh Kastell-Paol ar Meurzh 19 ez a an emsavidi d’en em aozañ e Plougouloum. War-nes int d’ober o stal d’ar republikaned c’hall deuet war o lerc’h e-kichen pont Kergidu, pa’z eo ar C’hallaoued saveteet a-benn ar fin gant o c’henseurted o tegouezhout eus Lesneven, d’ar Sul 24.

Kreñv eo chomet koun an emgann e-touez Leoniz, ken ma skrivas Lan Inizan tri c’hard kantved goude an darvoudoù un danevell anezho. Daoust d’ar pezh a greder alies, n’eo ket oberenn Lan Inizan lennegezh hepken. Ur vammenn Istor eo ivez, da geñveriañ gant dielloù all.

Erbediñ a reomp deoc’h, a-raok dont, lenn :

-Lan INIZAN, Emgann Kergidu (embannadurioù Al Liamm), Levrenn I, Pennadoù 13 (darvoudoù Kastell-Paol) ha 14 (emgann Kergidu) ; Levrenn II, Pennad 17 (goude an emgann, repu e koadoù Kermengi)

-Rafael Urien, "Emgann Kergidu : eus al Lennegezh d’an Istor", Aber 22 (Goañv 2005), p.514-556

Aozadur an devezh :

-2e30 goude merenn : displegadenn war ar c’henarroud Istor, e tavarn ar "Parvis", Kastell-Paol (e-kichen an Iliz-Veur

-war-dro 3e : loc’hañ eus Kastell-Paol gant kirri-tan war-zu Plougouloum ha Kergidu, gant arsavioù war an hent ha displegadennoù war al lec’hioù

-degouezhet e pont Kergidu : kerzhadeg gant displegadennoù war lec’hioù an emgann, ha goude war-zu Trelaouenan ha koadoù Kermengi (Kleder)

-evit ar re a blij dezho : pred (gant displegadennoù) e milin Kergidu (gallout a reer mirout : preti "Le Moulin de Kergidu", 02 98 79 35 44, moulindekerguiduff [at] gmail.com ; komz galleg ouzh tud an davarn)

Ma n’oc’h eus ket a garr-tan, pe na fell ket deoc’h mont betek Kastell-Paol gant hoc’h hini, e c’hallit bepred goulenn diganeomp hag-eñ e vefe tud prest da genweturiñ ganeoc’h. Trugarez neuze da gemenn deomp mard emaoc’h e soñj dont gant pe hep karr-tan

Aozet gant ar Gevredigezh vrezhon ; titouroù : kevredigezhvrezhon [at] yahoo.ie

• Koulzad nevez Made e Breizh ! par BREZHOWEB le 21/09/2023
  
• Apéritif en breton • Digor-kalon e brezhoneg par le 14/09/2023
  
• La Bretagne subira-t-elle aussi le manque d'eau potable ? par BREZHOWEB le 12/09/2023
  
• Finalement Alan Stivell sort sa biographie par Philippe Argouarch le 09/09/2023
  
• Ar Gwenn ha du : un hir a istor par Kerne Multimedia le 24/08/2023
  
• L’incompréhension règne en Bretagne : KOUN BREIZH appelle au soulèvement des pierres et à la marche Gwenn ha Du le 19 août, 14 h à Carnac par Koun Breizh - Bertaign Tenant - Mémoire-de-Bretagne le 12/08/2023
  
• Dibunadeg veur : 44 den a-dreñv giton Breizh 5 departamant ! (Bretagne Réunie à la Grande parade de Lorient) par Kerne Multimedia le 06/08/2023
  
• Plas ar brezhoneg e kollogoù diwar plas ar brezhoneg : ur skouerenn par Kerne Multimedia le 06/08/2023