War Wagenn TV e klever manaveg, okitaneg, saozneg ha dreist holl...brezhoneg

Traoù nevez war lec'hienn Gwagenn TV evit kregiñ ar bloaz nevez. Aterset e oa bet rener an abadennoù e brezhoneg war Frañs 3, Bernez Rouz, da geñver lid digeriñ stummadur

Traoù nevez war lec\'hienn Gwagenn TV evit kregiñ ar bloaz nevez.

Aterset e oa bet rener an abadennoù e brezhoneg war Frañs 3, Bernez Rouz, da geñver lid digeriñ stummadur 6 miz evit deskiñ brezhoneg aozet gant ar greizenn stummadur Skol an Emsav. Paeron an 3ede stummadur hir-se eo B.Rouz.

Dizoloit ivez ul lodennig eus Enez Vanav a-drugarez d\'ar film diwar-benn ar vroad kelt-se. Ur manavad yaouank, gouezeleger, a zispleg stad e yezh hiriv an deiz.

Hag evit ar re o deus c\'hwitet filmoù miz Kerzu, adkavit un atersadenn en okitaneg istitlet e brezhoneg: Tatu, unan eus kanerion ar strollad Okitan Massilia Sound System a oa bet aterset e 2007 da geñver ur sonadeg e sal ar Cité e Roazhon. Hag ur stumm nevez eus ar film Apollo XIII e 5 munutenn hag e brezhoneg.

Adkavout a reot Gwagenn TV en abadenn Urban Breizh war TV Roazhon ur wech bep miz adalek penn kentañ miz C\'hwevrer. Skignet e vez an abadenn nevez-se bep Meurzh war TV Roazhon da 9eur noz (ha war lec\'hienn TV Roazhon da c\'houde).

A-benn chom hep c\'hwitout filmoù Gwagenn TV e c\'hellit staliañ gwagenn e-barzh Itunes. Pellgarget e vo en un doare automatek pep film nevez. Evel-se e c\'hellot sellout ouzh ar filmoù war hoc\'h iPod pe iPhone (pe binvioù all) en tren, er c\'harr boutin, er privezhioù ha forzh pelec\'h ! Gallout a rit ivez lakaat ur gwazh rss war ho parrenn ostilhoù. Kit e darempred ganeomp m\'ho peus goulenn-mañ c\'houlenn: gwagenn@gmail.com

Gwagenn TV a het deoc\'h ur bloavezh 2009 direzon ha dichek !

http://gwagenn.tv