Xavier Krebs, ur brezegenn tro dro d'an arz ha d'an hent buhez

Fin an diskouezadeg an dibenn-sizhun-mañ : film diwar Sebastião Salgado, div brezegenn ha lennadenn skridoù e vab, Bruno Krebs et Kemperle, brav an abadenn !

Fin an diskouezadeg an dibenn-sizhun-mañ : film diwar Sebastião Salgado, div brezegenn ha lennadenn skridoù e vab, Bruno Krebs et Kemperle, brav an abadenn !

Piv oa Xavier Krebs ? Ur seramist, doare Braque ? Ur poltreder, doare Salgado ? Un den tost ouzh relijionoù Azia, gant un hent buhez oa tostoc'h ouzh hini un den fur eget hini ul livour Pariz ?

Koulskoude en doa graet e stummadur ba Paris, bet soudard e Indochina, ha gouzañvet kalz gantañ gant ar brezelioù bevet gantañ. Tamm ha tamm e oa bet brudet, hag ur mesen en doa roet dezhañ peadra da vevañ. Goude Auvers sur Oise e lec'h oa marvet Van Gogh hag e lec'h e oa ur gumuniezh arzourien, setu Xavier o tiskenn e kreisteiz bro Frañs en un ti bras. Taolennoù graet gantañ, gant ul lien lakaet gantañ evel gwechall b'ar Poulguin pa oa o sevel kaiakoù war bord an Aven.

Klañv gant daou AVC da heul, e oa deuet a-benn da adlivañ, da adkavout liv ha sklerijenn e vugaleaj. Ha beajet en doa kalz (7 beaj, 48 000 km) e bro India. Evitañ e oa aze ur gwir liamm gant ar bed, kollet en Europa. Ha da boltrediñ tud India, pa vez e livadur gant maen, dour, tudenn ebet...

Un doare da welout ar bed a zo tost ouzh an natur, tost ouzh traoù simpl, doare China, Japan, hag e giz lâre Malraux : ar stêr a zo bet kollet amañ a zo da gavout e Azia. Gouzout a reomp ober, met kollet hon eus ar pep pouezusañ : hor plas 'barzh er bed-mañ.