S'accréditer |
S'abonner |
Se connecter |
Faire un donS'accréditer |
S'abonner |
Se connecter |
Faire un don
Un daou-ugent a dud a zo en em vodet da 11 e d'ar sadorn 24 a viz Genver, da heul galv S.L.B., dirak Ti-Post Karaez evit embann o santimant diwar-benn komzoù an Ao. Amiard ha goul ma vo doujet ouzh hor yezh.
Un degemer mat gant implijidi an Ti-Post, ar rener ne oa ket war-blas evit degemer ac'hanomp. Neuze zo bet roet ul lizher d'an implijidi, dezhe da gelaouiñ o rener eus ar goulennoù a sav hor sinkikad ouzh ar Post.
An Aotroù Jean-Paul Bailly prezidant meur ar Post a embann ma vo kempennet mekanikoù didoueziañ-lizhiri ar Post. Hag a-benn miz Mae ne vo kudenn ebet ken gant ar mekanikoù-se evit lenn chomlec'hioù brezhoneg al lizheroù. Diaes deomp krediñ kement-se, neuze e aliomp servijoù ar Post e Breizh da vont e darempred gant Ofis ar Brezhoneg. Tud an Ofis a c'hello kenlabourat gant servijoù teknik ar Post, ha sikour anezhe evit ar pezh a sell eus ar brezhoneg.
Goulenn a reomp, ivez, ma vo implijet ar brezhoneg war ar pemdez gant servijoù ar Post, evit an darempredoù gant ar pratikoù e holl burevioù post Breizh. Poent bras eo ma vo lakaet skritelloù en div yezh en holl burevioù-se. Ha goul ivez gant an implijidi ouia brezhoneg implij ar yezh war o labour. Hag evit an impijidi o do c'hoant en ober kinnig dezhe heuliañ ur stummadur war ar brezhoneg e framm ar stummañ dibaouez.
O welet ne ra ket ar Stad he labour evit derc'hel bev ar servijoù publik en hor Bro e c'houlennomp ma vo roet galloudoù hag arc'hant da Vreizh evit ober war-dro an holl servijoù-se, ar Post en o-mesk.
Ar Vretoned o deus gwirioù, ar Post a rank doujañ oute.
Gervel a reomp, eta, da genderc'hel gant ar stourm evit ma vo doujet ouzh ar brezhoneg gant ar Post. Kentañ emgav d'ar sadorn 31 a viz Genver dirak ti-post an Oriant, Kae an Indez, da 10 e 30.
SLB : Sindicat Labourerien Breizh
Vidéos
Newsletters
Flux RSS - français
ABP sur Facebook
ABP surTwitter
Chaîne Youtube ABP