Tomm an heol ha devezh gouel 'ba Rostren gant ar Festival Fisel. Gwisket o zicheurtoù orañjez ganto, ur pemzek bennak a dud eus Ai'ta a zo o c'hoari paledoù, da c'hortoz ma teuio e-maez ar paotr boazet da seurt degouezhioù.
Met dic'hortoz eo an disoc'h : pegsunioù triliv zo bet kavet ... ha roud ebet en teuliad eus pegsunioù Ai'ta bet peget e Rosko. Hag ar vignoned da c'hoarzhin. Pemp archer galvet evit sikour ar re all, e-ken-kaz ma tiskouezhfe ar c'hoarierien paledoù o zogoù plouz int tud dañjerus...
