Put your name here

Met perak an diaoul emañ tout an dud o vousc'hoarzhin, daoust d'ar strivoù diniver a zo d'ober evit redek ? Ur burzhud, un evaj burzhudus ? ...

Diaes eo kompren evit un den n'en deus morse bevet ur redadeg ar pezh a c'hoarvez war an hent, gant ar re a youl-vat, gant ar skar, gant an den 84 vloaz o redek, heuliet gant ur plac'hig 5 bloaz o redek ur c'hilometr evel ar re all, loc'h ennañ hag enni da zreuskas ar vazh, da redek asambles evit an hevelep raktres : ne vefe ket mui a c'hoaperezh, a zismegañs eus Pariz hag a eusyezhoù "ofi-si-el", evit yezhoù ar bed.

Neuze, evit ar re a zo boaz, daoust d'an niver bihan a dud o heuliañ a-wechoù, nerzh ar vugale, ar grennarded, ar skipailhoù lec'hel (600 den a youl-vat a-hed an 2022 km), ur blijadur eo gwelout tud o teskiñ brezhoneg, o komz brav, krennarded Diwan gant ar c'hoant da vont da sikour ar skipailh Skar ' benn daou vloaz, ar gerent nevez o tizoleiñ ar vuhez bev-buhezek n'eo ket cheñchet abaoe penn-kentañ ar Redadeg.

Ouzhpenn ur redadeg eo, hep kampion ebet, chikan ebet ("n'eo ket ar memes brezhoneg, ne gomprenan ket ac'hanout", kudennoù oad, kudennoù rummadoù disheñvel) ? Aze n'eus ket deus seurt traoù, ret eo mont war raok, mod pe vod.

Ha sonennoù brav, hag ijin o redek. Ur mekanik da grouiñ sonerezh, barzhoniezh, romantoù (daou Briz ar vugale daou vloaz zo), da grouiñ ur vro dre he hentoù brav, bord ar mor, en Arvor hag en Argoat, bra brav ar glav, brav an dud a-hed an hent.

Meuleudi d'ar Redadeg, gant ma vo muioc'h-mui a dud o teskiñ hag o taremprediñ gant ur yezh n'he deus ket lavaret he ger diwezhañ !

Fanny Chauffin

• Kontadennoù : abadenn gentañ an hañv par Kerne Multimedia le 29/07/2022
  
• Sonerien Mibien Kerne o seniñ Barzaz Kervarker par Kerne Multimedia le 10/07/2022
  
• Testenn ar vazh test : skrivet gant div vaouez yaouank, Maina ha Ninnog par Kerne Multimedia le 29/05/2022
  
• Erruet ar Redadeg e Gwened gant 5000 a dud par Kerne Multimedia le 29/05/2022
  
• 31èmes Puces Diwan par le 29/05/2022
  
• Penn-rener an ABP, Philippe Argouarch, en deus kemeret perzh en eizhved Redadeg par J-L Le Floc\'h le 27/05/2022
  
• Redadeg 2022 : TUDJENTIL BREIZH o redek evit hor yezh par Tudjentil Breizh le 27/05/2022
  
• TUDJENTIL BREIZH court pour la REDADEG à Saint-Nicolas du Pelem par Tudjentil Breizh le 27/05/2022
  

---

1

0

Tweet